Gott mál

Gott að loksins standi til að gera ný göng milli Eskifjarðar og Norðfjarðar. Lengi hefur verið beðið eftir að ný göng séu gerð enda gömlu göngin slæm og hafa oft lokast, auk þess er vegurinn ekki mjög góður. Ég fór síðast um göngin síðastliðið sumar og núverandi göng líta verr út en mig minnti - sérstaklega eftir að maður hefur keyrt um Fáskrúðsfjarðargöngin sem eru glæsileg. Með nýju göngunum verður auðveldara að ferðast yfir á Neskaupstað og þá um leið verða íbúar á Neskaupstað í betri stöðu til að taka þátt í uppbyggingu og vera hluti af uppbyggingu á svæðinu. Enda hafa Fáskrúðsfjarðargöngin skilað miklu fyrir svæðið í heild sinni og ný göng til Norðfjarðar munu örugglega gera það sama. Ekki skemmir heldur fyrir að ný göng auðvelda brottfluttum, eins og mér, að ferðast heim að vetri til.

Norðfjarðargöng eru í burðarliðnum