Af hverju var þeim hleypt inn?

Íslensk stundvísi alveg frábær og kemur ekki á óvar. En af hverju var þeim sem komu seint hleypt inn? Á tónleikum sinfóníunnar þá ef maður kemur of seint þá þarf maður að bíða þangað til fyrsta hluta af tónlistinni sé lokið. Á tónleikum sem þessum væri það eina vitið og kannski myndi það kenna fólki að mæta á réttum tíma - eða er það kannski til of mikils ætlast?

Óstundvísir Íslendingar spilltu tónleikum

Slæmt ef rétt reynist

Ekki kemur á óvart ef að Hamas vilji ná öllu heimastjórnarsvæði Palestínu á sitt vald með valdi enda skilja þeir yfirleitt ekki önnur meðöl. Ef að Hamas tækist það þá yrði það slæmt fyrir íbúa svæðisins þar sem hernaður á hendur Ísrael yrði örugglega meiri og þar með aðgerðir Ísraelska hersins á svæðinu. Best væri auðvitað að halda kosningar svo að Hamas hætti að geta sagst hafa verið kosinn og að þá geti sérstaklega ákveðnir hópar vinstri manna á vesturlöndum hætt að fyllast vandlætingu yfir að ekki sé talað við Hamas. Hamas er auðvitað ekkert nema hryðjuverkahópur Íslamista sem vilja eyða Ísrael og koma á íslömsku ríki í anda Írans. Það sem íbúar Palestínu þurfa á að halda að beggja vegna borðs séu hófsöm öfl sem ráða ferðinni. Ef Hamas næði völdum á öllu heimastjórnarsvæðinu myndi það ýta undir harðlínuöfl í Ísrael og allir möguleikar á friði væru útúr myndinni.

Varað við mögulegu valdaráni Hamas á Vesturbakkanum

Jákvæðar fréttir

Gaman að sjá að Palestínumenn eru ekki sáttir við stjórn Hamas. Þúsundir hafa nú mótmælt þrátt fyrir bann við almenningssamkomum. Segir kannski mikið um Hamas að þeir telja þörf á að banna almenningssamkomur. Líf á Gaza hefur versnað eftir að Hamas tók völdin með vopnavaldi og sýndi þar með friðarvilja sinn. Líklega áttar fólk sig á því að mun líklegra er að Abbas nái fram raunverulegum árangri og möguleika á efnahagslegri uppbyggingu Palestínu til lengri tíma heldur en Íslamistarnir í Hamas. Staða Hamas ætti því að vera mun veikari þegar kemur að næstu kosningum í Palestínu. Best er fyrir Palestínumenn ef að hófsöm öfl eru við völd bæði í Palestínu og í Ísrael. Það má sjá þess merki þessa dagana þegar viðræður eru í gangi milli Abbas og Olmert.

Mótmæli á Gasa gegn Hamas

Alltaf gaman að mótmæla en...

... voðalega æsa menn sig yfir litlu. Það birtist skopmynd af spámanninum í blaði í fjarlægu landi og strax telja stjórnvöld í Íran og Pakistan að þau hafi rétt á að kalla á sendimenn viðkomandi lands til að mótmæla því sem dagblað í landinu birti. Greinilega hafa litla þekkingu á hvað það þýðir að hafa frjálsa fjölmiðla, enda eru þessi og mörg önnur lönd múslima ekki mikið fyrir frelsi. En kannski er aðalatriðið fyrir þessi stjórnvöld að gera eitthvað til að draga athygli landsmanna frá eigin verkum. Alltaf gott þegar þú kúgar borgarana að benda þeim á eitthvað sem þeir eiga að vera reiður út í sem kemur eða gerist utan landsteinana.

En að þessum mótmælum í Svíþjóð - þ.e. þeim sem standa til - í dag þá hef ég aldrei almennilega skilið þessa viðkvæmni í ákveðnum hópum múslima að verða svona móðgaðir af því að einhver teiknaði og birti skopmynd af spámanninum. Hvað er svona merkilegt við það? Leiðinlegt líka að heyra að forystumenn samtaka sænskra múslima hafi þurft að hafa mikið fyrir því að róa sína stuðningsmenn. Gátu þeir ekki bara gefið þeim eitthvað róandi.

Hvenær var það síðast sem einhverjir kristnir fóru síðast í mótmælaaðgerðir vegna birtingu af skopmynd af Jesú? Eða er kannski málið að sem betur fer hafa leiðtogar kristinna manna áttað sig á því að það stoðar ekkert að æsa sig yfir skopmyndum og það ýtir frekar undir andúð gagnvart viðkomandi trú?

Hér er svo myndin sem er teiknuð af Lars Vilks - sænskum listamanni:

Vonandi verður enginn fúll út í þessa myndbirtingu

Múslímar mótmæla í Svíþjóð

Kemur ekki á óvart

Angela Merkel hafur síðan hún varð Kanslari Þýskalands látið mikið að sér kveða, sérstaklega í evrópu- og alþjóðamálum. Hún hefur leitt ESB á fyrri helmingi þessa árs og náð miklum árangri. Hún hefur leitt til lykta a.m.k. um sinn málefni nýs sáttmála fyrir ESB, hún hefur með formennsku í G8 náð Bush til að viðurkenna að eitthvað þurfi að gera í umhverfismálum og margt fleira stendur eftir. Hún er áhrifamikill leiðtogi sem hefur haft mikil áhrif á innan við þeim tveimur árum sem eru liðin síðan hún tók við embætti. Þegar Þýskaland fór fyrir Ráðherraráði ESB kom nálgun Merkel vel í ljós, en hún lagði áherslu á fá mál en gerði mikið til að ná þeim fram.

Í heilbrigðismálum var aðalmál Þýskalands í forystu fyrir ESB að ýta enn frekar undir starf að HIV/AIDS málum og vekja aukna athygli á að HIV/AIDS er ekki vandamál þróunarlanda, heldur er jafnframt mikið vandamál fyrir Evrópu. Með ráðstefnu í Bremen í mars, ályktun heilbrigðisráðherraráðsins og ályktun Ráðherraráðs leiðtoga ESB (European council) þá hefur henni tekist ætlunarverk sitt í heilbrigðismálum. Auk þess ýti Þýskaland af stað átaki til að aðstoða fátækari ríki ESB og nágrennis við að ná fram lækkun á verði lyfja gegn HIV. Þessu átaki hefur Þýskaland ákveðið að halda áfram um komandi framtíð. Þetta er mjög þarft framtak enda gott að þrýsta vel á lyfjafyrirtækin. Auðvitað var meira gert í heilbrigðismálum undir forsæti Þýskalands í Ráðherraráði ESB en þetta var þeirra meginmál. Áherslan var ekki bara á að tala um hve mikið vandamál væri heldur að benda á hvað virkar og mikilvægi þess að allt samfélagið vinni saman að takmarka eins og kostur er aukningu í tíðni smits á HIV.

Angela Merkel áhrifamesta konan um þessar mundir

Fyrir hvað?

Nokkuð merkilegt að heyra að Norskum sendiráðunautum hafi verið vikið frá Eþíópíu á grundvelli þess að grafa undan þjóðaröryggi landsins. Svo virðist af fréttum að starf þeirra við að reyna að draga úr spennu á landamærum Eþíópíu og Erítreu sé um að kenna. Hvað ætli þeir hafi gert til að réttlæta þessar aðgerðir stjórnvalda í Addis Ababa, sem eru mjög alvarlegar. Ef Norðmenn hafa eingöngu verið með þróunaraðstoð sem ætlað er að draga úr spennu milli ríkjanna þá hefði maður haldið að það myndi ýta undir þjóðaröryggi beggja landa nema auðvitað að öðru eða báðum ríkjunum sé illa við að hafa kannski ekki ástæðu til að fara í stríð. Eða er kannski einhver önnur ástæða á bakvið að Norðmönnunum hafi verið vikið úr landi? Forvitnilegt verður að heyra meira af þessu máli þegar fram vindur og sérstaklega hvað Norðmenn hafa gert af sér. Eða er málið kannski hvað Norðmenn hafa ekki gert af sér?

Norskum sendiráðunautum vísað úr landi í Eþíópíu

Að loka fljótt fyrir umræðu

Þó að nú sé föstudagur og maður ætti að vera happy að helgin sé framundan, þá ætla ég að fá að pirrast aðeins. Einstaka bloggarar fara einstaklega mikið í taugarnar á mér. Nei það er ekki vegna skoðana þeirra eða hvernig þeir skrifa. Það sem fer í taugarnar á mér þegar viðkomandi lokar fljótt á umræðu, mætti halda að þeir séu hræddir við umræður. Í gær skrifaði Jón Valur Jensson færslu vitnandi í Gabriel Stein, aðalhagfræðing Lombard Street-rannsóknarsetursins um hvað við Íslendingar mættum eiga von á ef við gengjum inn í ESB. Að mínu mati byggðu ummæli Stein og grein Jóns Vals og fleiri ESB andstæðinga á nokkrum misskilningi. Ég kommentaði því þar en hafði ekki tíma til að koma inn fyrr en nú í morgun og þá hefur Jón Valur þegar lokað á umræðuna. Ég skil að menn vilji ekki fá komment inn endalaust við gamlar greinar, en að leyfa ekki komment í svo mikið sem a.m.k. í meira en 1 dag er skrítið. Mætti halda að honum sé illa við umræður um pistla sína.

Klúður eða samsæri?

Því sem maður heyrir meira um þetta mál þá kemur upp spurningin hvort að lögregluyfirvöld í Rússlandi hafa klúðrað rannsókninni eða hvort að um samsæri sé að ræða.

Ef það er samsæri þá spurningin hver stendur á bakvið það. Er þetta samsæri sem á ættir sínar að rekja til stjórnvalda? Eða er það samsæri skipulagðra glæpasamtaka? Eða er kannski um eitthvað allt annað að ræða? Það að setja þetta fram sem samsæri yfirvalda gæti verið of auðvelt enda auðvelt fyrir okkur á Vesturlöndum að trúa mörgu upp á rússnesk yfirvöld og þá sérstaklega leyniþjónustur og þá sem eiga bakgrunn í þeim s.s. Pútín. En gæti það ekki alveg eins verið að Anna Politkovskaja hafi verið talin ógn af skipulögðum glæpasamtökum eins og hún gæti hafa verið fyrir yfirvöld í Rússlandi?

Ef um klúður er að ræða þá var tilkynning saksóknara á dögunum tilraun til að ljúka málinu, þ.e. nefna einstaklinga sem ekki er hægt að ná til. Erfitt getur verið í glæpamálum sem eru eins mikið í fjölmiðlum og þetta morðmál hefur verið, að finna leið til að ljúka þeim. Hvað segir það um vinnubrögð lögreglunnar ef ekki er hægt að ná morðingja Önnu Politkovskaja vegna mistaka við rannsókn málsins? Yrði það ekki líka bara litið á sem hluta af samsæri ef tilkynnt væri að ekki væri mögulegt að finna morðingja hennar og að ekki verði um frekari rannsókn á málinu að ræða nema nýjar vísbendingar koma fram? Hvernig myndi það líta út fyrir yfirvöld?

Hvað sem er rétt í þessu máli þá er nokkuð ljóst að það er ekki auðvelt fyrir stjórnvöld í Rússlandi.

Leitin að morðingjum Önnu Politkovskaju heldur áfram

Fánamál Lúxemborgar

Um nokkurn tíma hafa verið umræður í Lúxemborg að breyta þjóðfána landsins þar sem hann þykir mjög líkur hollenska þjóðfánanum. Það er vissulega rétt og alltaf er gaman að fylgjast með þessum umræðum og kannski enn frekar umræðum um þjóðareinkenni Lúxemborgara. En fáni Lúxemborgar er svona:

Í morgun heyrði ég í fréttum að þing landsins hefði samþykkt að sá fáni sem margir hafa lagt til að myndi leysa af hendi núverandi þjóðfána landsins, yrði jafnrétthár núverandi fána sem þó yrði áfram fáni Lúxemborgar. Þannig að í raun eru því skv þessu um tvo þjóðfána að ræða.

 

En það merkilega í samþykkt þingsins er að þó að fánarnir eigi að vera jafnréttháir þá er það bara innan Lúxemborgar (þ.e. landsins) og ekki má nota þennan nýja utan landsins.

Til samanburðar er sá hollenski svona:

Hvor þarf á hvorum að halda?

Ég þekki nú ekki mikið til stjórnmála í Pakistan, en mér hefur fundist um langan tíma að fjarað hafi mikið undan pólitísku lífi Benazir Bhutto fyrrum forsætisráðherra landsins. Hún gerði reginmistök á þeim tíma sem Musharraf hefur setið við völd að reyna að ná samkomulagi við hann frekar en að vera ákveðnari gagnvart honum. Hún hefur því glatað miklu pólitískt og er í mun veikari stöðu en áður. Nú þegar stjórnarandstæðingur sem áður var í útlegð og hefur barist gegn Musharraf hefur fengið leyfi af Hæstarétti Pakistan að snúa aftur heim þá er Bhutto í slæmum málum. Það er því, að mínu mati, mun meira hún en Musharraf sem þarf á samkomulagi að halda. Ennfremur er merkilegt að hún í raun krefst þess að spillingarmál gagnvart henni verði felld niður.

Musharraf lætur ekki Bhutto setja sér úrslitakosti