Væri ekki bara betra að nota þessa fjármuni í eitthvað annað?

Það má vel vera að Geir hafi rétt fyrir sér að varla sé hægt að finna annað framboð til öryggisráðsins sem hafi kostað minna. En hver er ástæða þess að þessir fjármunir eru ekki settir í eitthvað annað og þarfara? Nóg er að verkefnum innanlands sem utan. T.d. væri hægt að setja þessa fjármuni í þróunaraðstoð. Kæmi að mun betri notum þar.

Eins og ég hef áður sagt hér á blogginu þá skil ég ekki ástæðuna fyrir því af hverju Ísland ætti að vera í Öryggisráðinu. Hvað ætti að vera framlag Íslands? Ætla menn sér bara að hafa sjálfstæða skoðun á þeim málum sem henta? Á hvaða grunni á t.d. að byggja atkvæðagreiðslur um ályktanir gegn ákveðnum ríkjum eða jafnvel refsiaðgerðir. Verður eitthvað sjálfstætt mat? Ísland hefur ekki einu sinni getu til að sinna eigin lágmarksvörnum. Við leggjum svotil ekkert fram til starfsemi NATO og viljum bara fá allt fyrir ekki neitt. Það sýndi utanríkisráðherra vel á dögunum með því að kalla heim eina Íslendinginn sem starfaði í uppbyggingarverkefni á vegum NATO í Írak. Ekki sem hermaður heldur sem borgaralegur starfsmaður.

Betra væri að sleppa þessu en að sóa fjármunum í þessa sýndarmennsku og átta sig á því að við erum ekki með hæfni til að vera í ráði sem er að fjalla um öryggis- og varnarmál. En vonandi mun aldrei á það reyna þar sem nokkuð líklegt er að Ísland muni ekki ná kjöri.

Fá dæmi um jafn lítinn tilkostnað við framboð til öryggisráðsins

Athugasemdir

[Njörður Lárusson, 7.9.2007 kl. 16:34]

Hvað er að þér !  Geturðu ekki skilið að við eigum heima þarna ?   Eigum við kannski bara að láta Grænhöfðaeyjum eftir sætið í öryggisráðinu, eða Jamaica ?  Hvernig heldurðu að færi fyrir heimsbyggðinni, ef að einhver "Rastafari" frá Jamaica sæti í öryggisráðinu ?  Það væri þvílíkur reykur að veröldin yrði aldrei söm. 

[Ásdís Sigurðardóttir, 8.9.2007 kl. 10:55]

Mér finnst of miklu eytt í þetta.

[Daði Einarsson, 10.9.2007 kl. 07:49]

Þar sem við erum að keppa við Austurríki og Tyrkland um þetta sæti þá væri betra að styðja við Austurríki heldur en að sóa þessum fjármunum.