Er þá ekki best að sleppa þessu?

Ef að flugið eigi ekki að ógna á nokkurn hátt öðrum ríkjum er þá ekki best að sleppa þessu flugi sprengjuvéla út fyrir lofthelgi Rússlands? Einhvernvegin er erfitt að sjá hver tilgangur með þessu flugi sé enda getur það varla verið um venjulegt mál að ræða þegar sprengjuvélar eru sendar af stað í átt að öðru ríki. Skrítið er líka að segja að viðkomandi lönd séu látin vita í ljósi þess að Norska og Breska flughernum var ekki betur ljóst um "friðsamlegan" tilgang flugsins að þeir senda upp orrustuþotur með hraði til að fylgja viðkomandi sprengjuvél eftir. Það gera þeir ekki nema þeir telji að um mögulega ógn sé að ræða.

Rússneski loftherinn segist ekki vera að ógna öðrum ríkjum

Athugasemdir

[Daði Einarsson, 22.8.2007 kl. 10:17]

Ef að ríki hefur heimild viðkomandi ríkis til að fljúga yfir eða að því þá er ekkert vandamál, hvort sem er USA, Rússland, Kína, eða hvern sem er. Vandamálið er þegar það er gert án heimildar viðkomandi ríkis með þeim hætti að það telur, þegar flugið á sér stað, annað hvort að um ógn eða mögulega ógn sé að ræða.

[Hans Haraldsson 22.8.2007 kl. 14:09]

Rússarnir fóru reyndar ekki inn í lofthelgi neins og þurftu því ekki leyfi.

Ástæðan fyrir því að þessar vélar voru hafðar á lofti í gamla daga var sú að þannig er mun erfiðara að granda þeim með árás að fyrra bragði (þær báru þá stýriflaugar með kjarnaoddum og gera það líklega ennþá). Þeir vilja líklega meina að kjarnorkufæling Rússlands ógni engum sem ekki ætlar að gera árás.