Kominn tími til

Loksins er komin jákvæð niðurstaða í þetta erfiða og skrítna mál. Að dæma heilbrigðisstarfsmenn til dauða eða fara fram á það er furðuleg og vægast sagt fáránleg. Þessir heilbrigðisstarfsmenn höfðu ekkert til saka unnið en fram hefur komið að smit hafi byrjað áður en þeir komu til starfa. Auk þess trúir því einhver að heilbrigðisstarfsmenn hafi vísvitandi smitað börn af veirunni. Hver ætti tilgangurinn að vera? Allt þetta mál er hið furðulegasta og til mikilla vansa fyrir yfirvöld í Lýbíu. Líklega hafa þeir vilja nota málið í samningaviðræðum við ESB, eins djöfullegt og það hljómar.

Hér í Búlgaríu hefur verið mikil samstaða með hjúkrunarfræðingum og má sjá táknmynd samstöðunnar um allt - á byggingum, flugvélum, og víðar. Í raun út um allt og líklega verður mikið fagnað í dag. 

Góð frétt í morgunsárið

Heilbrigðisstarfsmönnum sleppt í Líbýu

Athugasemdir

[halkatla, 24.7.2007 kl. 11:12]

akkúrat - mjög óvænt og góð frétt