Hvað er verið að fela?

Fréttin er furðuleg ef rétt reynist. Svo virðist sem við munum ekki sjá neina skýrslu fyrr en á næsta ári, er það ekki full löng bið?

Skýrslan átti að koma fyrir 1. nóvember og seinkun um 3 mánuði er furðuleg. Ef að það eru einhver atriði sem standa útaf eða þurfa meiri vinnu, sérstaklega lagatæknileg atriði, þá hlýtur samt að vera hægt að koma með áfangaskýrslu eða eitthvað svipað. Að öðrum kosti er eðlilegt að fólk velti fyrir sér hvað breyttist á fáeinum vikum frá því að formaður nefndarinnar talar um að margt slæmt sé í skýrslunni og þar til allt í einu þarf að fresta birtingu. Eða vilja kannski þingmenn ekki hafa allt upp á borðum?

Rannsóknarskýrslu seinkar

Athugasemdir

[Magnús Óskar Ingvarsson, 14.10.2009 kl. 14:15]

Þú getur alveg bölvað þér upp á það að margir á hinu háa Alþingi verða ekki alltof ánægðir þegar niðurstöðurnar verða birtar. Sumir þingmanna vilja vafalaust alls ekki að þær birtist en vilja heldur ekki að sú afstaða þeirra sé lýðum ljós.

[Sveinbjörn Ragnar Árnason, 14.10.2009 kl. 14:41]

Erlent rannsóknarlið til landsins.

Spilling.  Stjórnvöld með fjórflokkinn í fararbroddi kaupa sér tíma. Ekki er ráðlagt að lýðurinn fái að sjá 10% spillingarinnar að svo stöddu. Hér á landi ríkir mikil óstjórn. Hrungerendur hafa haft tíma til að hylja sporin, en einhverjum verður þó fórnað. Ég spái því að þjóðin fái að sjá  um 10% spillingarinnar með störfum rannsóknarnefndar Alþingis.

 Hér á landi verður engin sátt nema að hingað streymi erlendir sérfræðingar til rannsókna á stærsta bankasvindli Evrópu.  JJB Sports í Bretlandi hefur fengið sérstakt rannsóknarteymi á sig enda eru þar Kaupþings bankamenn í flæktir í gerningum sem Bretar vilja rannsaka ofaní kjölinn. Það myndi ekki geta gerst á Íslandi, þar sem fjórflokkurinn verndar "sitt fólk".  Bretar beita Landsbankann og Kaupþing hryðjuverkarlögum, við vitum ekki enn vegna hvers. Hvað er í gangi. Er ekki hægt að segja þjóðinni frá sannleikanum, er hann svo svakalegur? Niður með fjórflokkinn, byltingu strax.