Jákvæðar fréttir

Gaman að sjá að Palestínumenn eru ekki sáttir við stjórn Hamas. Þúsundir hafa nú mótmælt þrátt fyrir bann við almenningssamkomum. Segir kannski mikið um Hamas að þeir telja þörf á að banna almenningssamkomur. Líf á Gaza hefur versnað eftir að Hamas tók völdin með vopnavaldi og sýndi þar með friðarvilja sinn. Líklega áttar fólk sig á því að mun líklegra er að Abbas nái fram raunverulegum árangri og möguleika á efnahagslegri uppbyggingu Palestínu til lengri tíma heldur en Íslamistarnir í Hamas. Staða Hamas ætti því að vera mun veikari þegar kemur að næstu kosningum í Palestínu. Best er fyrir Palestínumenn ef að hófsöm öfl eru við völd bæði í Palestínu og í Ísrael. Það má sjá þess merki þessa dagana þegar viðræður eru í gangi milli Abbas og Olmert.

Mótmæli á Gasa gegn Hamas

Athugasemdir

[Ægir , 31.8.2007 kl. 14:55]

Best væri að palestínumenn næðu sáttum sín á milli og semdu svo við Ísrael, að annað aflið semji bara gengur það varla til langframa. Enn því miður virðist hamas ekki hafa mikin áhuga á friði hvorki við sína bræður eða Ísrael.