Hvor þarf á hvorum að halda?

Ég þekki nú ekki mikið til stjórnmála í Pakistan, en mér hefur fundist um langan tíma að fjarað hafi mikið undan pólitísku lífi Benazir Bhutto fyrrum forsætisráðherra landsins. Hún gerði reginmistök á þeim tíma sem Musharraf hefur setið við völd að reyna að ná samkomulagi við hann frekar en að vera ákveðnari gagnvart honum. Hún hefur því glatað miklu pólitískt og er í mun veikari stöðu en áður. Nú þegar stjórnarandstæðingur sem áður var í útlegð og hefur barist gegn Musharraf hefur fengið leyfi af Hæstarétti Pakistan að snúa aftur heim þá er Bhutto í slæmum málum. Það er því, að mínu mati, mun meira hún en Musharraf sem þarf á samkomulagi að halda. Ennfremur er merkilegt að hún í raun krefst þess að spillingarmál gagnvart henni verði felld niður.

Musharraf lætur ekki Bhutto setja sér úrslitakosti