Veruleg kjaraskerðing

Hvað það væri nú gott ef að við byggjum við stöðugan gjaldmiðil. Ég finn mikið fyrir þessu enda fæ ég laun mín greidd heima á Íslandi og er að millifæra í hverjum mánuði til Lúx. Allnokkur munur getur því verið á milli þess hvað ég hef í tekjur eftir þessa mánaðarlegu millifærslu. Vegna þess að krónan er á stanslausri ferð upp og niður svo um munar þá er erfitt að skipuleggja einhver dýrari innkaup. En maður ætti að verða orðinn vanur þessu eftir að hafa verið í þessari stöðu í bráðlega 4 ár. Á þessum tíma hefur gengið farið niður í ca 76 (ef ég man rétt) og svo nokkuð yfir 90. Nokkuð pirrandi að í svo langan tíma hefur verið mikið flökt á krónunni. En kannski að í næsta starfi verði maður bara á launum hér úti og þá verður hátt gengi krónunnar bara gott mál.

Stærra mál er þó að þessi skortur á stöðugleika krónunnar er dýr fyrir bæði einstaklinga og fyrirtæki heima á fróni. Spurning hvort ekki sé kominn tími til að athuga möguleikann á að taka upp evruna án inngöngu í ESB. Það er fyrst og fremst pólitísk spurning bæði heima á Íslandi og meðal stjórnmálamanna í aðildarríkjunum. Enda er Ísland innan ákveðinna ESB strúktúra sem upphaflega voru bara hugsaðir fyrir aðildarríki.

Krónan hefur veikst um 12,6% á tæpum mánuði

Athugasemdir

[Ívar Pálsson, 16.8.2007 kl. 13:59]

Heyr, heyr! Evru án ESB. Eina vitið. Við verðum ekkert að gera eitt eða neitt, eins og inngöngu í ESB. Við kjósum einungis að nota Evru.