Auðvitað

Það gefur sig nú sjálft að hennar ógæfa getur ekkert haft með hana sjálfa að gera enda viljalaust verkfæri í höndum foreldra sinna. Alltaf er gott að geta firrað sig ábyrgð á eigin gjörðum og kennt öðrum um. Vinsælt er að kenna mæðrum um allt og virðist sérstaklega vinsælt sjónarhorn í sálfræði. Kannski ætti ég að prófa þetta næst þegar mér verður eitthvað á.  

Ógæfa Lindsay Lohan sögð foreldrum hennar að kenna

Athugasemdir

[Sveitavargur, 10.8.2007 kl. 13:40]

Eh, að kenna mæðrum um er einmitt vinsælt hjá þeim sem ekkert vita um sálfræði.  Að kenna sálfræðingum um að mæðrum sé kennt um er annar handleggur af sama fyrirbæri.  Sama gildir um Marilyn Manson, djasstónlist, rokktónlist, og djöfulinn.  Nema þú sért í Vísindakirkjunni, en þá er það sálfræðingum að kenna.

Í stuttu máli, þetta er allt öðrum að kenna en okkur sjálfum sem gleypum við slúðri og fóðrum þannig paparazzana og andlegan niðurtúr "stjarnanna". 

Eins og þú segir, alltaf er gott að geta firrað sig ábyrgð á eigin gjörðum og kennt öðrum um.