Hvað er undirvogun?

Getur einhver útskýrt fyrir mér hvað er undirvogun? Kannski ef maður fengi enska heitið þá myndi maður fatta þetta.

Morgan Stanley mælir með undirvogun á bréfum Kaupþings

Athugasemdir

[Halla Rut , 8.8.2007 kl. 15:23]

Hef ekki hugmynd

[Þarfagreinir, 8.8.2007 kl. 15:40]

Vogun vinnur, vogun tapar ...

Meira veit ég ekki.

[Leo Pi., 8.8.2007 kl. 18:26]

Þetta snýr að því þegar fólk er með safn af bréfum (e. portfolio).

Segjum sem svo að þú ert með 3 fyrirtæki jafnstór á markaði. Kaupthing , Landsbankann og Glitni og átt jafn mikið í öllum. Fyrir 100 í hverju, eða mappan er samtals 300 kr. (Hvert fyrirtæki er því 1/3 af safninu þínu)

Þá er ávöxtunin sem þú færð jöfn því sem markaðurinn hækkar um, þ.e.a.s. meðaltalið af því sem hver og einn hækkar. Af því þetta táknar allan markaðinn. t.d. ef hækkun er 5% + 5% + 5% þá er ávöxtunin á markaði 5% af því að þetta er meðaltal af þessari hækkun. 

 Núna kemur slæm frétt af Kaupthing, og einhver segir þér að "Undirvoga", þ.e. minnka vægi Kaupthings í safninu þínu.

Þá eru þeir að meina að þú seljir hluta af bréfunum sem þú átt í Kaupthing og kaupir í öðru. 

Ef mælt væri með yfirvogun, kaupa meira af bréfum í Kaupthingi, af því þeir halda að Kaupthing muni hækka meira en hin fyrir tækin.

Það þarf samt að taka fram að þetta þýðir ekki að Kaupthing sé að fara að hrapa í verði heldur getur þetta þýtt að Kaupthing eigi bara ekki eftir að hækka jafn mikið í verði og hinir. T.d.  3%

Landsbankinn og Glitnir hækka ennþá um 5%. Svo að heildar ávöxtun safnsins yrði 4%.

 - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Vonandi hjálpar þetta.

Kv.

Leo 

[Daði Einarsson, 8.8.2007 kl. 20:51]

Takk fyrir Leo, held að ég fatti þetta núna