Gaman ef að þetta gengur upp

Ég og kollegar mínir ferðumst nokkuð oft með lestum þó aðallega frá Lúxemborg til Brussel. Ef að lestarsamgöngur geta gert það að verkum að ferðatíma - með bið á flugvöllum og að koma sér inn í viðkomandi borg - styttist eða sé sá sami fyrir betra eða a.m.k. sambærilegt verð þá væri kominn upp raunhæfur kostur. Einn meginkostur við að ferðast með lest í samanburði við að ferðast með flugi er að lestarstöðvar eru staðsettar inni í miðborgum. T.d. ef ég væri í Brussel og þyrfti á fund í London þá er mun fljótlegra að taka lest heldur en flug. Svo er líka þægilegra fyrir þá sem fá illa í eyrun við lendingu að fara með lest og oftast kemur maður svotil beint á fundarstað.

 Það er vonandi að þetta samstarf lestarfélaganna eigi eftir að skapa raunhæfa samkeppni við flugfélög í álfunni.

Evrópsk lestarfélög taka höndum saman