Loksins eitthvað vitrænt

Ef fréttin er rétt og Guantanamo verði lokað þá verður stigið mikilvægt skref í rétta átt hjá Bush og félögum. Loksins virðast þeir átta sig á að það sem fram fór í búðunum var mjög slæmt fyrir baráttuna gegn hryðjuverkum. Með búðunum fengu hryðjuverkahópar upplagt dæmi til að nota til að fá nýja félaga. Með búðunum (og Íraksstríðinu) gróf USA undan þeirri samúð sem var með þeim eftir 9/11 og dró úr möguleikum sínum til að draga úr hryðjuverkum í heiminum. En batnandi mönnum er best að lifa.

Líkur á að Guantánamo verði lokað

Athugasemdir

[Þarfagreinir, 22.6.2007 kl. 11:15]

Þetta fer nú allt eftir því hvað verður þá gert við fangana, en jú, þetta lofar engu að síður góðu.

[Nanna Katrín Kristjánsdóttir, 22.6.2007 kl. 14:45]

Já hugsa að það sé einmitt það sem hann vilji að menn finnist.  Að hann sé loksins að batna og fara í rétta átt. Svona fyrir kosningar og svoleiðis, ekki gaman að vera óvinsalasti forseti Bandaríkjana síðustu 35 árin.

[Daði Einarsson, 22.6.2007 kl. 15:41]

Ég held nú frekar að málið sé að þeir séu komnir í það erfiða stöðu með þetta mál eftir dóm Hæstaréttar að þeir verða að leysa málið einhvernveginn. En auðvitað er rétt að Bush vill losna við þetta mál svo einhver smá séns sé á því að eftirmaður hans verði líka Repúblikani.

[Anna Ólafsdóttir (anno) 22.6.2007 kl. 15:49]

Ég baraneita að trúa því fyrr en ég tek á því að bandaríska þjóðin vilji aftur fá Repúblikana sem forseta eftir Bush, jafnvel þó að Juliani verði kandídatinn þeirra.

[Daði Einarsson, 22.6.2007 kl. 19:27]

Ég myndi telja það mjög ólíklegt miðað við hvernig mál standa í dag, sérstaklega þar sem demókratar hafa nokkra góða frambjóðendur. En líklega verður það ekki stórsigur demókrata, en góður sigur þó.  

[Ásdís Sigurðardóttir, 22.6.2007 kl. 19:50]

Lok, lok og læs og allt í stáli, vonandi lokast þær að eilífu þessar búðir.

[Jens Guð, 27.6.2007 kl. 00:04]

  Pyntingabúðirnar í Guantanamo voru/eru tilraunaverkefni Brúsks og félaga.  Það er verið að reyna á hvað hægt er að komast langt út fyrir lagaramma Bandaríkjanna og alþjóðasamfélagsins.  Þarna hafa aldrei verið neinir "merkilegir" eða þýðingamiklir fangar.