Flott hjá Bretum

Gott að sjá að Bretar ætla sér ekki, a.m.k. strax, að láta undan kröfum öfgamanna sem vilja tjáningarfrelsið dautt. Tjáningarfrelsið er grundvallarþáttur í lýðræðislegum samfélögum og án þess þá er ekki mikið eftir sem gerir það að verkum að maður getur talað um að við búum við frelsi. Bretar gefa með því að aðla Salman Rushdie skýr skilaboð um mikilvægi tjáningarfrelsis. Aftur á móti ef þeir láta undan þá eru skilaboðin á hinn veginn þ.e. tjáningarfrelsið er ekki mikilvægt og því sé fórnandi fyrir minni hagsmuni. Við verðum öll að gera okkar til að standa vörð um grundvallarréttindi okkar. Okkur sem vestræn lýðræðisleg samfélög tókst illa upp í skopmyndamálinu, en það má ekki gerast aftur.

Bretar munu ekki biðjast afsökunar á aðalstign Rushdie